Argieffoto (Foto: HeungSoon/Pixabay)
Die Joburg-ope was die laaste toernooi op die DP World Tour (voorheen die Europese gholfreeks) vir vanjaar weens die impak van die Omikron-koronavirus. Die toernooi was die eerste van drie toernooie wat die nuwe seisoen afskop – al drie in Suid-Afrika.
Die SA Ope sal nou volgende week op die Gary Player-baan by Sun City net Sonskynreeks-status hê en die prysgeld is ook verminder. Die Alfred Dunhill-kampioenskap, wat van 9-12 Desember by Leopard Creek sou plaasvind, is afgelas weens reisbeperkings wat ingestel is na aanleiding van die identifisering van Omikron.
Die volgende toernooi op die DP World Tour is die HSBC-kampioenskap in Abu Dhabi van 20 tot 23 Januarie. Die toer is veronderstel om weer in die middel van Maart volgende jaar in Suid-Afrika ʼn draai te maak vir toernooie by Pecanwood en Steyn City.
