Die Lions het hul derde nederlaag in die jongste weergawe van die Verenigde Rugbykampioenskap (VRK) gely toe Benetton die Johannesburgers met 15 – 10 op die Stadio Monigo geklop het.
Malakai Fekitoa het sy eerste drie vir die Italiaanse klubspan gedruk, terwyl Ignacio Mendy die uiteindelike wendrie vir Benetton gedruk het.
Jordan Hendrikse se strafskop, Asenathi Ntlabakanye se drie en Sanele Nohamba se doelskop het beteken dat die telling 10-elk in die tweede helfte was, maar Mendy se drie was die uiteindelike verskil tussen die twee spanne.
Die Lions het vroeër in die toernooi rakelings teen die Stormers (35 – 33) en Edinburgh (17 – 16) verloor en hulle beklee tans die 14de plek op die amptelike punteleer.
Die Bulls is tans die voorste Suid-Afrikaanse span in die derde plek, gevolg deur die Stormers in die vierde plek.
Die Sharks geniet tans houtlepelstatus ná drie wedstryde.
- Punteleer:
- Connacht: 13 punte ná drie wedstryde
- Munster: 12 punte ná drie wedstryde
- Bulls: 11 punte ná drie wedstryde
- Stormers: 10 punte ná drie wedstryde
- Glasgow Warriors: 10 punte ná drie wedstryde
- Leinster: 10 punte ná drie wedstryde
- Ulster: 10 punte ná drie wedstryde
- Ospreys: 10 punte ná drie wedstryde
- Benetton: 10 punte ná drie wedstryde
- Edinburgh: 8 punte ná drie wedstryde
- Cardiff: 6 punte ná drie wedstryde
- Scarlets: 5 punte ná drie wedstryde
- Zebre: 5 punte ná drie wedstryde
- Lions: 4 punte ná drie wedstryde
- Dragons: 2 punte ná drie wedstryde
- Sharks: geen punte nie ná drie wedstryde
En net sodra Mnr. Van Rooyen en kie, die span op n wenpad het word hulle spelers deur ander provinsies gekaap. En begin die Leeus weer van voor-af. Snaaks wat geld kan vermag. Dit kan mense koop maar nie trots nie.