Die Suidwestelike Distrikte se kampioen, Evergreens van Pacaltsdorp, het Saterdag in die laaste rondomtaliewedstryd sy vierde nederlaag dié seisoen in die Premierliga gely.
Progress van George het hom 15-13 geklop, maar hy is só ver voor dat die uitslag nie sy eerste plek op die punteleer aantas nie.
Barbarians van Mosselbaai se wegholoorwinning van 64-3 oor Swellendam verseker dat hy tweede op die punteleer eindig en Progress derde.
Bridgton van Oudtshoorn het sy vierde plek bevestig deur die Nelson Mandela- Metropolitaanse Universiteit (NMMU) se Saasveld-kampus 37-26 te klop.
In die ander wedstryde Saterdag het Crusaders 27-22 teen Groot-Brakrivier gewen; en Silver Stars van George het Blanco 31-24 geklop.
