Met Maroela Media en kykNET se sepiegids kan jy weekliks ʼn voorsmakie kry van die gebeure in jou gunstelingsepie.
Binnelanders
Weeksdae om 19:30 op kykNET
Maandag 18 Desember
Brenda vra Nicolette uit oor Uys, en Liam en Delia deel ʼn ongemaklike oomblik. Naomi voel al hoe sieker, en Thalia word Texas toe gestuur.
Dinsdag 19 Desember
Naomi ontvang ontstellende nuus en dit dryf Louis om drasties op te tree. ʼn Stemboodskap oortuig Nina dat daar probleme is, en Steve het familieprobleme.
Woensdag 20 Desember
Brenda moet ʼn krisis by Mimi’s hanteer wanneer Louis nie vir werk opdaag nie. Karen besluit om op haar loopbaan te konsentreer, en Rita maak ʼn skokkende voorstel.
Donderdag 21 Desember
Louis is in twee geskeur, en Uys en Nicolette wonder oor Brenda se gevoelens vir Uys. Liam se begeertes kry amper die oorhand, en hy maak ʼn drastiese besluit.
Vrydag 22 Desember
Louis probeer om Naomi moed in te praat, en Uys wil Brenda beïndruk. Delia praat met Liam oor Steve, en Steve maak ʼn Kersbelofte aan Vicky. Louis oorweeg iets drasties.
Suidooster
Weeksdae om 18:00 op kykNET en 18:30 op kykNET&kie
Maandag 18 Desember
Siya en Danni het ʼn warrelwinddag, terwyl Veroné erge innerlike konflik ervaar. Rhafiek staan ook voor ʼn vurk in die pad: Gaan hy sy familie se belange eerste stel, of sy eie geluk?
Dinsdag 19 Desember
Mymoena en Bianca het ʼn huisgas. Rhafiek wil die naweek voor Kersfees saam met sy familie weggaan, terwyl Bridgette ʼn mededinger op haar neus wil laat kyk.
Woensdag 20 Desember
Bridgette is verbaas oor die reaksie op haar advertensie vir ʼn Kersvader. Kaashifa kry swaar met Rhafiek in haar werksruimte, terwyl items op ʼn geheimsinnige manier in Ruiterbosch verdwyn.
Donderdag 21 Desember
Kaashifa en Rhafiek oorweeg verskillende oplossings vir hulle werkspanning, terwyl die buurtwag ʼn probleem met diefstal moet takel. Bridgette boelie Tim in ʼn komiese situasie in.
Vrydag 22 Desember
Die buurtwag verwelkom ʼn baie spesiale gas, en Bridgette probeer die kollig met hom deel. Justin is terug en Rhafiek neem ʼn groot stap, terwyl Lee-Ann vir Bridgette ʼn Kersvader probeer kry.
Diepe waters
Maandae tot Donderdae om 18:30 op kykNET
Maandag 18 Desember
Sanet weet waar Theresa is. Gys se lofprysing van Pam steek Rossouw dwars in die krop. Anja betrap ʼn inbreker in haar huis, en Karla het raad vir Johan oor sy ma.
Dinsdag 19 Desember
Anja moet besluit wat sy vir Rossouw gaan vertel. Jacques en Johan maak gereed om vir Theresa te gaan ontmoet, en Ben en Sanet skok Mari met nuus.
Woensdag 20 Desember
Anja neem ʼn groot besluit om haar en haar gaste te beskerm. Johan en Theresa leer mekaar beter ken, terwyl Rossouw sy geduld met Gys en Pam verloor.
Donderdag 21 Desember
Theresa neem ʼn besluit oor ʼn toekoms met Johan. Vanaand is Pam en Gys se laaste kans om te beïndruk, en Karla het ʼn openbaring oor Arno se verlede.
Arendsvlei
Maandae tot Donderdae om 19:30 op kykNET&kie
Maandag 18 Desember
Birdy deel ʼn droom wat Beatrice bekommerd maak, en Tereska is bekommerd oor Emile. Janice sukkel met haar realiteit.
Dinsdag 19 Desember
Ayesha probeer dinge makliker vir Janice maak, en Lionel besef dat Mortlocks nie kop bo water hou nie. Emile besluit om ʼn kaartjie Angola toe te koop, en ʼn onverwagte gas daag op Beatrice se troudag op.
Woensdag 20 Desember
Beatrice kies tussen Kyle en Clint, en Emile kry nuus oor Christopher. Janice raak meer gemaklik met Lionel, terwyl Ayesha ʼn ongemaklike gesprek met Lionel het.
Donderdag 21 Desember
Arendsvlei is steeds geskok deur die gebeure by die kerk. Emile en Tereska maak gereed om die mynboumaatskappy se verteenwoordiger te ontmoet, en Janice voel oorweldig deur al die inligting oor haar ou lewe.