Met Maroela Media en kykNET se sepiegids kan jy weekliks ʼn voorsmakie kry van die gebeure in jou gunstelingsepie.
Binnelanders
Weeksdae om 19:30 op kykNET
Maandag 28 Augustus
Uys en Febé sit vas, en Louis en Naomi is bekommerd oor Delia. Iemand dink Danny kort ʼn meisie, en Conrad beskou Steve se brief as ’n belediging. Tertius kry ʼn groot skok wanneer hy die voordeur oopmaak.
Dinsdag 29 Augustus
Dit is ʼn dag vol onthullings en verrassings vir Tracy, Tertius en iemand uit die verlede, en Binneland bied iemand ʼn pos aan. Almal raai Uys aan om op te hou bemiddelaar speel.
Woensdag 30 Augustus
Uys dink Danny maak ʼn oorlas van homself, en Jacques het inligting oor iemand. Steve konfronteer Dawid voor Delia en hy kry die skok van sy lewe.
Donderdag 31 Augustus
Conrad het nuus vir Rian en Steve en ʼn gesprek kompliseer ʼn verhouding nog meer. Uys beraam planne vir Lentedag.
Vrydag 1 September
Steve besluit dit is tyd om daadwerklik op te tree, Febé en Uys spandeer Lentedag saam, en At sien (vir die eerste keer in jare) weer sy kleindogter.
Suidooster
Weeksdae om 18:00 op kykNET en 18:30 op kykNET&kie
Maandag 28 Augustus
Danni kry amper ʼn skriftelike waarskuwing, en Bridgette vind uit Mymoena doen die verstellings aan haar rok. Carlo het genoeg gehad en besluit dit is tyd om wraak te neem.
Dinsdag 29 Augustus
Gaan Carlo te ver met sy plan? Dit is die eindronde van die Vrou van die Jaar-kompetisie. Sal Mymoena of Bridgette wen en sal hulle vriendskap die spanning oorleef?
Woensdag 30 Augustus
Justin en Angie sit nog verder oor die rugbykaartjies vas, terwyl Mymoena ʼn nuwe uitkyk op die lewe kry. Een van Ruiterbosch se inwoners word vermis.
Donderdag 31 Augustus
Die gemeenskap is in skok, terwyl Wade tot uiterstes in die naam van liefde gaan. Die rugbylootjies word getrek en Aiden is uitgeboul oor wie die wenner is.
Vrydag 1 September
Wade se plan werp vrugte af, en Bridgette is oorgehaal om dinge op haar manier te doen. Daar heers groot verligting oor Brendan.
Diepe waters
Maandae tot Donderdae om 18:30 op kykNET
Maandag 28 Augustus
Johan is bekommerd oor Charity. Anja en Rose kom bymekaar uit. Tommy is opstandig teenoor Arno omdat hy en Karla saam is. Nina kry skokkende nuus by Karla.
Dinsdag 29 Augustus
Nina sien ’n teer oomblik tussen Wim en Sanet. Anja en Johan soek saam na Charity, terwyl Rossouw ’n nuwe plan met die HPC-grond beraam.
Woensdag 30 Augustus
Daar lê ʼn moeilike pad vir Rose en Wim voor. Charity deel ʼn blik op haar verlede met Anja. Gys is bekommerd oor Meghan se geestesgesondheid.
Donderdag 31 Augustus
Rose vertel vir Wim hoe sy regtig voel. Sanet kry ʼn onverwagse oproep. Rossouw en Anja besef Charity het al diepliggende trauma beleef. Jacques troos Meghan.
Arendsvlei
Maandae tot Donderdae om 19:30 op kykNET&kie
Maandag 28 Augustus
Almal is stukkend oor die nuus dat Eva haarself aan die polisie oorhandig het. Beatrice deel haar agterdog oor Abigail met Clint. Thys is bekommerd oor Bianca wat so onseker van haarself rondom haar suster is.
Dinsdag 29 Augustus
Janice is onthuts wanneer sy ʼn gesprek tussen Lennie en Brille hoor en uitvind hoe Eva in die tronk beland het. Bianca jok vir Zyla oor ’n romantiese afspraak met Thys. Abigail span Dawn in om teen Beatrice op te tree.
Woensdag 30 Augustus
Beatrice skrik wakker van haar bedwelmdheid. Saartjie is terug in Arendsvlei, en Daniel weet nie hoe om vir Lennie te help nie.
Donderdag 31 Augustus
Bianca is in die verleentheid wanneer sy ontdek haar leuen oor Saartjie se dwelmmisbruik is bekend. Lennie vind uit dat Desmond van hom verwag om Tanner se skuld te betaal. Beatrice vra vir Clint en Abigail om uit die Cupido-huis te trek.