Met Maroela Media en kykNET se sepiegids kan jy weekliks ʼn voorsmakie kry van die gebeure in jou gunstelingsepie.
Tshepo (Johnny Potsanyane) in “Diepe waters”. (Foto: Skermgreep)
Binnelanders
Weeksdae om 19:30 op kykNET
Maandag 6 Mei
Iemand daag in ʼn kritieke toestand by Binneland op, en Steve voel hy het te veel druk op Nicolette geplaas.
Dinsdag 7 Mei
Tracy en Leah word uiteindelik herenig. Nicolette onderskep iets baie waardevols by iemand uit haar verlede. Anja Staal se blogstories bereik groot hoogtes.
Woensdag 8 Mei
Bonnie vang Annetjie uit, en Annetjie smeek haar om haar identiteit ʼn geheim te hou. Febé is bekommerd oor wat sy gesien het, maar Nicolette verduidelik wat sy gevat het.
Donderdag 9 Mei
Conrad is ontevrede met Tracy se besluit en probeer om haar daarvan te laat afsien. Vicky wil die eienaars van die verlore goedere opspoor, en Annetjie vind haar inspirasie by At.
Vrydag 10 Mei
Tertius is emosioneel en verward oor Tracy se besluit. Annetjie se jongste storie op haar L&V-blog kan dalk tot haar ondergang lei. Andrew word ontslaan, maar daar is ʼn kinkel in die kabel.
Suidooster
Weeksdae om 18:00 op kykNET en 18:30 op kykNET&kie
Maandag 6 Mei
Daar is ʼn onverwagse wending vir Tim. Susan ontdek nuwe inligting oor Herschel se situasie, terwyl Justin en Gary albei probeer om Noelle se hart te wen.
Dinsdag 7 Mei
Susan kry ʼn leidraad. Siya en Aiden stamp koppe, terwyl Bridgette vasbeslote is dinge om te draai.
Woensdag 8 Mei
Gary het ʼn emosioneel uitdagende dag, terwyl Bridgette ʼn groot gebaar maak. Aiden steek sy trots in sy sak, en Susan maak ʼn groot deurbraak in haar ondersoek.
Donderdag 9 Mei
Gary leer vir Noelle beter ken, en Rhafiek mis die buitelug. Justin en Aiden trek ’n “skelm” vas, terwyl Susan en Elana vassit.
Vrydag 10 Mei
Elana is raadop met Susan se obsessiewe gedrag, terwyl Gary onseker is oor sy toekoms met Noelle. Kaashifa droom groot, en Bianca leer iemand beter ken.
Diepe waters
Maandae tot Donderdae om 18:30 op kykNET
Maandag 6 Mei
Gys neem ʼn skokkende stap teen Lettie se restaurant. Charity het min geduld met Arno se verslawing. Tshepo ontvang tragiese nuus.
Dinsdag 7 Mei
Zelda is bekommerd oor Arno. Rossouw se posttraumatiese stresversteuring vlam weer op. Die bron vir die geheimsinnige siekte wat die swemmers teister, kan dalk reg onder hul neuse wees.
Woensdag 8 Mei
Henry word blameer vir die swembad se swak higiëne. Ben en Sanet ontvang baie onverwagse nuus. Tshepo rou en haal sy frustrasies op Gys uit.
Donderdag 9 Mei
Martha probeer Tshepo help met sy besluit oor sy toekoms. Anja is bekommerd oor Rossouw se nuwe energie, maar gaan Pam sy plan in elk geval oorneem?
Arendsvlei
Maandae tot Donderdae om 19:30 op kykNET&kie
Maandag 6 Mei
Hein is onseker of hy saam met Birdy kan weggaan. Devon luister na Sasha se raad. Kyle en Beatrice stem ooreen oor Adam en Abigail. Desmond oorhandig ʼn ultimatum aan Janice om die vrede te bewaar.
Dinsdag 7 Mei
Janice oorweeg dit ernstig om Desmond se aanbod te aanvaar. Birdy probeer Hein oortuig om Raalte toe te gaan. Abigail en Adam se verhouding raak dieper.
Woensdag 8 Mei
Janice en die winkeleienaars verloor alle hoop. Hein probeer van ʼn gebroke hart herstel. Lee-Roy kry ʼn misterieuse aflewering.
Donderdag 9 Mei
Abigail en Adam se band word sterker. Desmond begin die impak van Janice se video’s voel. Lee-Roy weet hy sal nooit vrede vind tot hy die pakkie oopmaak nie.
