Argieffoto
Woord:
kritikaster
Betekenis:
Onbevoegde, onbillike of vitterige kritikus: ‘n Kritikus wat ‘n muggie-uitsifter, ‘n onbillike en vitterige resensent blyk te wees, word tereg ‘n kritikaster genoem wat in die geheel eintlik geen kritiek beoefen nie (Unie, Jan. 1974, 271). Vondel het soms ook ‘n protes laat hoor teen kritikasters. Hy kon nie verdra dat poësie, wat hy so hoogstel, deur onkundige beoordelaars wat nie met die grondbeginsels van die kuns vertroud is nie, aangevat word nie (M.S.B. Kritzinger in N. Brandw., Nov. 1929, 304).
Hierdie interessante brokkie is aan Maroela Media se Taaltoffie verskaf deur die Woordeboek van die Afrikaanse Taal.
