Hou die kruit droog bevat C Johan Bakkes se roerende, inspirerende en vreksnaakse Facebook-plasings gedurende die inperkingstyd, toe hy gereeld vir sy lesers gevra het om hul kruit droog te hou. Saam met foto’s uit sy albums en filosofiese, snaakse brokke uit sy vorige boeke word dit so persoonlik soos ’n kuier om ’n hardekoolvuur. Die kwasterige Bakkes tree in al sy grinterige glorie na vore.
Bakkes is die geliefde skrywer van aweregse reisjoernale soos Moertoe die vreemde in (2001), Nou’s ons in ons donner in (2006), Norrevøk (2008) en Erfgeld is swerfgeld (2020).
Oor die skrywer
Casparus Johannes Bakkes is ʼn skrywer van veral reissketse. Hy is op 21 Oktober 1956 op Stellenbosch gebore as die oudste van vier kinders van die bekende skrywer Margaret Bakkes en die geskiedkundige dr. Casparus Marius Bakkes. Bakkes is ʼn rekenmeester en professor in toegepaste rekenmeesterskap aan die Universiteit van Wes-Kaapland, asook ʼn wêreldreisiger en toergids. Hy is met die kunstenaar Nanna Vorster-Bakkes getroud. Sy broer, Christiaan Bakkes, is ook ʼn skrywer.
Prys: R250,00*
*Prys onderworpe aan verandering
Koop die boek by Protea Boekhuis