Uitdrukking:
Iets te berde bring
Betekenis:
Dié vaste uitdrukking beteken om iets ter sprake te bring, dit as ’t ware ter tafel te lê vir bespreking.
Waar kom dit vandaan?
Volgens die EWN het berd in vroeë Nederlands “bord, plank, tafel” beteken, maar in moderne Nederlands is dit, soos in Afrikaans, slegs nog bekend in die uitdrukking te berde bring of te berde kom. Laasgenoemde is in Afrikaans nie baie algemeen nie, maar kom tog voor.
Bronne: HAT Taalgids