Uitdrukking:
Vol krupsies wees
Betekenis:
Vol denkbeeldige kwale wees: Sy verveel hom tot sterwens toe met al haar krupsies (V. Francis in Sarie, 16 Aug. 1972, 57). • Die meisietjie … (was) maer soos ‘n graatjie, ja, bleeksugtig en … vol allerhande krupsies en kwale (V. Francis in Sarie, 25 Sept. 1974, 93). • Krupsies (corrupties), verouderde kwalen: die man is vol krupsies (A.N.E. Changuion, 1844, in H.J.J.M. v.d. Merwe: Vr. Wdl., 1971, 12).
Waar kom dit vandaan?
Krupsies is ʼn vervorming van Middelnederlands corrupties wat “bederf, veral van die liggaam” beteken het.
Bronne: Woordeboek van die Afrikaanse Taal (WAT), Spreekwoorde en Waar Hulle Vandaan Kom
Ek het baie ander tipes verstand vir die woord “Krup”.