Woord:
sierskaats
Betekenis:
Sportsoort waarin individue, pare of groepe sekere bewegings, wat spronge en draaie in die lug en ingewikkelde voetwerk, tol- en ander veeleisende bewegings op die ys insluit, volgens bepaalde tegnieke en style op ʼn sierlike manier op ʼn ysskaatsbaan uitvoer; sin. kunsskaats (ongewoon): Sierskaats beoefen. ≈ Baie mense glo geen sport het die grasie en estetiese skoonheid wat sierskaats en ysdans het nie (Burg., 8 Mrt. 1975, bylae, 9) • Snelskaats … vind in die buitelug plaas, terwyl sierskaats en ysdanse in binnenshuise arenas gehou word (Ens. v.d. Wêreld 10, 1977, 668) • Moenie die tradisionele klassieke ballet verwag nie, want hier versmelt ballet en sierskaats. Die ys verleen ʼn andersoortige energie en dramatiese element aan die produksie en die verhaal is aangepas sodat die skaatsers hul akrobatiese vernuf en vaart op ys kan ten toon stel (Beeld, 26 Mrt. 2008, Plus, E).
Bron: Woordeboek van die Afrikaanse Taal (WAT)