Mdluli hol na arbeidshof

Richard Mdluli, voormalige hoof van die Polisiediens se misdaadintelligensie-eenheid, het Vrydag bekend gemaak hy gaan die polisie in die arbeidshof oor sy skorsing aanvat.

Mdluli is Sondag vir die tweede keer geskors ná hy verlede jaar geskors was nadat klagtes van bedrog en moord teen hom aanhangig gemaak is. Hy is in Maart weer aangestel. Op 9 Mei het Nathi Mthetwa, minister van polisie, aangekondig dat Mdluli, onmiddellik uit sy pos na ʼn ander afdeling geskuif moet word.

Luitenant-kolonel Lindela Mashigo, ʼn polisiewoordvoerder, het bevestig die polisie se regsafdeling het dokumente van Mdluli se prokureurs ontvang en dat hulle die saak Maandag omstreeks 10:00 in die arbeidshof sal aanvat.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.