Tweeling hoofseun en –meisie ryg A’s in

Foto verskaf

Foto verskaf

Ruan en Suné Breed, ʼn tweeling wat in 2015 onderskeidelik hoofseun en –meisie van die Hoërskool Ben Viljoen in Groblersdal was, het ʼn rits onderskeidings ingeryg.

Die tweeling het saam 11 onderskeidings ingepalm. Ruan het vier A’s vir Afrikaans, Engels, lewensoriëntering en besigheidstudies, terwyl Suné sewe A’s vir Afrikaans, Engels, wiskunde, lewenswetenskappe, fisiese wetenskappe, geskiedenis en lewensoriëntering, agter haar naam kan skryf.

Beide gaan vanjaar aan die Universiteit van Pretoria studeer. Ruan gaan BCom-landbou-ekonomie aanpak terwyl Suné BSc-biologiese wetenskappe gaan studeer. “Aangesien ons albei Tuks toe gaan, sal ek darem my suster soms sien,” het Ruan geskerts.

Suné het giggelend bygevoeg “ek hoop om oor 15 jaar ʼn goeie werk te hê, maar nog nie getroud te wees nie”.

Ruan wil graag in pa Japie se voetspore volg deur ʼn boer te word. “Ek dink my graad sal my ʼn goeie sake-agtergrond gee.” Ma Geraldene het gesê sy en Japie gaan die kinders mis noudat hulle uit die nes is.

Volgens Tiaan Joubert, die skool se bemarker en skakelbeampte, het Ben Viljoen se matrieks van 2015 ʼn slaagsyfer van 99,3% behaal met ʼn totaal van 144 onderskeidings. “71,3% van die matrieks wat geslaag het, het universiteitstoelating. Ben Viljoen is eerste in Limpopo wat betref die aantal leerlinge wat matriek slaag met universiteitstoelating, Hoërskool Ben Vorster is tweede en Hoërskool Pietersburg is derde.”

Foto verskaf

Die tweeling op hul eerste en laaste skooldae.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

5 Kommentare

neelsie ·

Trots op julle!!
Kyk goed na julle-self, julle sal die vrugte van sukses pluk.
Met sulke jeug kan ons n volk bou.

Wilna du Plessis ·

Pragtige kinders en HBV beslis die beste skool in Limpopo !

Wilna du Plessis ·

Pragtige 2 mense ! HBV beslis beste skool in Limpopo !

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.