Resep: Sjampanje-roomysdrankie

Sjampanje-roomysdrankie. (Foto: Lapa Uitgewers)

Bederf jou kuiergaste met dié heerlike drankie.

Bestanddele

• 1 e aarbeikonfyt vir elke glas
• genoeg sjampanje vir al die glase (vir vier mense sal 1 bottel meer as genoeg wees)
• 1 skep roomys vir elke glas

Metode

1. Skep die konfyt in elke glas en skep daarna die roomys bo-op. Kantel die glas teen 45 grade en gooi die sjampanje in terwyl jy die glas stadig regop draai.
2. Gee vir elke gas ook ʼn lepel om van die konfyt onder op die bodem uit te skep.
3. Hou nog ʼn bottel sjampanje, roomys en aarbeikonfyt byderhand. Almal gaan ʼn tweede glas wil hê.

Bron: Sjef Snoekie laat die potte sing
Uitgewer: Lapa