Jou koekblik sal maar vaal wees sonder dié smaaklike koekies.
Lewer 45 koekies.
Bestanddele
- 180 g (200 ml) botter
- 140 g (160 ml) strooisuiker
- 1 eier
- 155 g (280 ml) koekmeelblom
- 70 g (125 ml) bruismeel
- 68 g (185 ml) klapper
Vulsel
- 60 g (70 ml) botter
- 15 ml gouestroop
- 130 g (187,5 ml) versiersuiker, gesif
- 5 ml gemaalde gemmer
Metode
- Voorverhit die oond tot 180 °C.
- Klop die botter, suiker en eier saam tot lig en romerig.
- Sif die meel, roer die bruismeel en klapper by en meng goed.
- Skep die mengsel in ’n spuitsak met ’n sterpunt. Spuit rosette, 4 cm in deursnee ongeveer 4 cm uitmekaar, op gesmeerde bakplate.
- Bak vir ongeveer 12-15 minute of tot verbruin.
- Laat vir 10 minute op die bakplate afkoel voordat dit verder op ’n draadrakkie afkoel.
Vulsel
- Meng die botter en stroop saam tot lig en romerig en voeg die versiersuiker en gemmer by.
- Meng dit goed en plak die koekies twee-twee op mekaar met die vulsel.
Bron: 101 kleinkoekies
Uitgewer: Lapa