Resep-video: Suurlemoenkoekies

Suurlemoenkoekies (Foto: Janie Monsieur/Maroela Media)

Maklike koekies met eenvoudige bestanddele, selfs die kinders kan help uitdruk!

Lewer 24 koekies

Bestanddele

KOEKIES

• 1 k botter, kamertemperatuur
• ½ k strooisuiker
• 2 e suurlemoensap
• 1 middelslag suurlemoen se skil
• knippie sout
• 2 k koekmeel

VERSIERSEL

• 1 k versiersuiker
• 1 ½ e suurlemoensap
• 1 e water

Metode

1. Room botter en suiker saam tot sag en lig.
2. Meng suurlemoensap, skil en sout by.
3. Sif meel by en meng tot ʼn deeg vorm.
4. Rol of druk deeg uit op bakpapier en koel vir 15 minute in die yskas af.
5. Haal uit yskas, druk koekies uit met koekiedrukker, plaas op groot bakplaat en bak vir 12-15 minute.
6. Laat die koekies heeltemal afkoel voordat jy versier.

VERSIERSEL

1. Meng al die bestanddele saam om ʼn gladde versiersel te maak. Doop die koekies se bokant in die versiersel en laat dit hard word.