Biltongpotjie. (Foto: Lapa Uitgewers)
Geniet hierdie heerlike biltongpotjie spesiaal vir Vrouedag.
Bestanddele
- 1 x 500 g-pakkie spaghetti of pasta van jou keuse
- olie om te braai
- 2 groot uie, gekap
- 2 x 250 g-pakkies spek, in blokkies gesny
- 1 kg Cheddarkaas, gerasper
- 1 kg nat biltong, gekerf
- sout en varsgemaalde swartpeper na smaak
Metode
- Kook die pasta in soutwater tot al dente. Dreineer en hou eenkant.
- Verhit ʼn bietjie olie in ʼn swartpot en soteer die uie en spek tot die uie deurskynend is.
- Skep die pasta terug in die pot en meng dit met die uie en spek. Voeg die kaas by en meng.
- Voeg die biltong by en roer deur net voordat jy dit opskep. (As biltong gaar word kan dit moontlik hard en taai word, so voeg heel laaste by.)
- Sit dadelik voor.
Bron: Sjef Snoekie laat die potte sing
Uitgewer: Lapa
in ons huis gee ‘n pakkie pasta genoeg vir 4 of miskien 5 porsies. 1Kg R120, 1Kg biltong R280, twee pakkies spek R60-100. Nogal duur vir 4 tot 5 porsies