Vul jou beskuitblik met dié klapper-en-roombeskuit.
Lewer ongeveer 60 stukke beskuit.
Bestanddele
- 1 kg bruismeel
- 5 ml sout
- 375 ml suiker
- 500 ml klapper
- 500 g (1 blok) botter
- 400 g (1 blik) klappermelk
- 60 ml room
- 3 eiers
Metode
- Voorverhit die oond tot 180 °C.
- Meng die meel, sout, suiker en klapper in ’n groot mengbak.
- Smelt die botter en klits die klappermelk, room en eiers stadig by die botter.
- Roer die vloeistof by die droë bestanddele en meng tot ’n deeg.
- Smeer 2 groot broodpanne en skep die deeg daarin.
- Bak vir 60 minute of tot goudbruin en ’n toetspen skoon uitkom.
- Laat die beskuit effens in die pannetjies afkoel voor dit uitgekeer word.
- Laat die beskuit dan heeltemal afkoel en sny in stukke.
- Droog die beskuit oornag in die oond by 70 °C.
Bron: Beskuit
Uitgewer: Lapa