Geniet hierdie koolslaai as bykos of as heerlike kosblikgereg.
Lewer 8 porsies.
Bestanddele
Koolslaai
- 3 x 250 ml fyngesnyde groenkool, harde dele verwyder
- 2 x 250 ml fyngesnyde rooikool, harde dele verwyder
- 2 middelslag Granny Smith-appels, gerasper
- 3 middelslag wortels, gerasper
- 15 ml fyngesnyde grasuie
- 15 ml gesnyde vars pietersielie
- 15 ml gesnyde vars koljander
- 30 ml rosyne
- 60 ml gerasperde kaas met skerp geur (of in dun repies gesny)
- 30 ml gemengde sade (sonneblom, pampoen, sesam)
- 5 ml sesam-, kanola- of druiwepitolie
Slaaisous
- 250 ml gladde laevetmaaskaas
- 60 ml ongegeurde jogurt
- 15 ml olyfolie, koud gepars
- 30 ml suurlemoensap
- 2,5 ml sout
- 1,25 ml swart- of reënboogpeper
Metode
- Meng al die slaaibestanddele, behalwe die sade en olie, in ‘n groot slaaibak. Bedek met kleefplastiek en plaas in die yskas.
- Rooster die sade 10 minute op 200 °C saam met die olie.
- Slaaisous: Klop die bestanddele vir die slaaisous saam en meng met die slaai. Sprinkel die geroosterde sade net voor opdiening bo-oor.
Bron: Gesonde kosblikke
Uitgewer: Lapa
Is reënboog peper daardie gekleurde peperkorrels in die botteltjie?
Dagsê
Dit is inderdaad die gekleurde peperkorrels. Dit wissel van wit, pienk, swart en groen korrels.
Dankie! Groetnis
Maroela Media