Resep: Mini-groente-frittatas

Mini-groente-frittatas. (Foto: Lapa Uitgewers)

Jou ontbyt hoef glad nie vervelig te wees nie.

Lewer 8 porsies.

Bestanddele

• 15 ml kanolaolie
• 1 prei, gekap
• 125 g knopiesampioene, in skyfies gesny
• 30 ml songedroogde tamaties, fyn gekap
• 40 g babaspinasieblare, grofgekap
• 5 eiers
• 125 ml laevetmaaskaas
• 2,5 ml sout en varsgemaalde swartpeper
• ʼn knippie neutmuskaat

Metode

1. Voorverhit die oond tot 180 °C. Spuit ʼn silikoon muffinpan met kleefwerende kossproei.
2. Verhit die olie in ʼn pan en braai die prei en sampioene tot sag.
3. Meng die gebraaide mengsel met die songedroogde tamaties en spinasieblare en verdeel tussen die muffinholtes.
4. Klits die eiers, maaskaas, sout en swartpeper asook neutmuskaat saam en giet oor die groente.
5. Bak 30 minute tot bruin.
6. Laat effens afkoel en verwyder uit die muffinpan.

Bron: Slim laekoolhidraat-geregte
Uitgewer: Lapa