Bederf jou pa met dié heerlike soetdingetjie dié Vadersdag.
Genoeg vir 6.
Bestanddele
- 3 ekstra-groot eiers, geskei
- 1 eier
- 1 k (60 g) vars broodkrummels
- ¾ k (95 g) vanieljesponskoek, gekrummel
- 2 e (30 ml) suiker
- ½ t (2 ml) vanieljegeursel
- 2 k (500 ml) Clover volroommelk, warm
- ¼ k (75 g) frambooskonfyt, gesmelt
- 2 e (30 ml) strooisuiker
Metode
- Voorverhit die oond tot 170 °C en smeer 6 klein bakkies.
- Klits die 3 eiergele en die eier in ‘n mengbak. Voeg die broodkrummels, koekkrummels, suiker en vanieljegeursel by en roer die warm melk by. Laat 15 minute staan.
- Skep die mengsel in die bakkies en plaas op ‘n bakplaat.
- Bak 15 tot 20 minute tot gestol. Smeer die konfyt oor.
- Klits die eierwitte in ‘n skoon mengbak tot stywe punte vorm en voeg die strooisuiker geleidelik by. Hou aan met klits tot dik en blink.
- Skep die meringue op die gebakte vla en konfyt, en bak 12 tot I 5 minute tot die meringue gaar en goudkleurig is.
Bron: Trooskos
Uitgewer: Lapa