“Roep na My in die dag van nood. Ek sal jou verlos en jy sal My eer.” (Psalm 50:15)
Skrifgedeelte
Psalm 50:15 (NLV)
Oordenking
God se Woord gee die moontlikhede en gevolge van gebed.
Gebed se reikwydte strek ver. Dit dek ons moeilikhede; dit is so universeel soos hartseer en so oneindig soos droefheid. Gebed kan die boosheid verlig wat God se kinders tref. Daar is geen traan wat gebed nie kan afdroog nie. Geen wanhoop wat dit nie kan verdryf nie. Geen terneergedruktheid wat dit nie kan verlig nie.
Gebed bring God tot ons redding, en daardeur sien ons die heerlikheid van sy almag.
Gebed
Here, ek weet ons sal moeilikhede in hierdie lewe ervaar. Dankie dat ons kan weet ons hoef nie moed te verloor nie, want U het hierdie wêreld reeds oorwin. Amen.
- Hierdie oordenking verskyn in Mini-Oordenkings: Hoop vir elke dag deur Jimi le Roux. Dit word goedgunstiglik deur die Christelike Uitgewersmaatskappy/CUM verskaf.
Dankie Here dat ek my hoop , my verwagting by U alleen kan kry… Amen