Dié lekkerny maak jy sommer in die mikrogolf.
Lewer 16 porsies
Bestanddele
- 300 g melksjokolade
- 125 ml room
- 200 g (1 pakkie) Romany Creams-koekies, fyngekap
- 100 g (½ pakkie) Eet-Sum-More-koekies, grofgekap
- 20 heel rooi glanskersies, gehalveer
- 125 ml fyn klapper
- 50 g (½ pakkie) pekanneute, gekap
- 5 ml Amarula-likeur
Metode
- Mikrogolf die sjokolade en room saam teen 70% krag. Roer tot glad.
- Voeg die oorblywende bestanddele by, meng en laat staan dit tot effens verdik.
- Skep die mengsel op bakpapier, rol op en druk met hande sodat ’n rol vorm. Die rol moet ongeveer 35 cm lank wees.
- Plaas in die yskas tot gestol. Trek die bakpapier af en sny in 1 cm skyfies. Hou in die yskas.
Bron: Vinnig en Maklik Resepte uit Vrouekeur 2, Marlo Carstens
Uitgewer: Lapa
Sjoe……water my mond nou……. baie dankie vir die heerlike resep
Lyk baie lekker…baie dankie vir die resep.
Dankie vir die ekstra vetrolletjie wat ek gaan bykry????