Resep: Gebakte vis op sampioenrisotto

Gebakte vis op sampioenrisotto. (Foto: SAMFA)

Hierdie gesonde gereg sal enige hongerpyne regsien.

Vir 6 persone.

Bestanddele

Vis

• 100 g botter, sag
• 2 knoffelhuisies, fyn gerasper
• 1 klein bondel of 10 g pietersielie, baie fyn gekap
• 1 suurlemoen, gerasper, plus 1 eetlepel sap
• 6 x ± 200 g porsies volhoubare witvis soos engelvis, geelstert, Kaapse stokvis

Risotto

• 2 e olyfolie
• 2 e botter
• 500 g portabellini sampioene, gesny
• 1 groot ui, gekap
• 1 stingel seldery, baie fyn gekap
• 4 knoffelhuisies, gerasper
• 300 g arboriorys
• 250 ml droë witwyn (opsioneel, kan ook nie-alkoholiese wyn of ekstra bouillon gebruik)
• 1 liter sampioen-, groente- of hoenderaftreksel, warm gehou
• gerasperde skil en sap van 1 suurlemoen
• 40 g parmesaankaas, fyn gerasper, plus meer vir bediening
• mikrokruie, vir garnering
• suurlemoenwigte, vir bediening
• sout en peper, na smaak

Metode

1. Verhit oond tot 200 ºC met die waaier aan. Voer ʼn oondbak met bakpapier uit.
2. Gooi die botter, knoffel, pietersielie, suurlemoenskil en suurlemoensap saam. Geur met sout en peper en roer goed om te meng.
3. Plaas die vis op die uitgevoerde oondbak.
4. Sprinkel ʼn bietjie knoffel- en suurlemoenbotter op elke stuk vis.
5. Plaas die voorbereide vis in die yskas om net voor bediening te bak.
6. Verhit botter en olyfolie in ʼn diep, groot soteerpan. Voeg die sampioene by en kook, roer af en toe, totdat al die oortollige vog verdamp het en die sampioene goed bruin is. Voeg die ui en seldery by en kook sag tot dit sag, maar nie bruin is nie. Voeg die knoffel en ʼn goeie knypie sout en peper by. Kook tot dit sag is. Voeg die rys by en verhoog die hitte. Kook vir 1 minuut om die rys met die olie te bedek en dit ligbruin te rooster.
7. Voeg die witwyn by en roer totdat dit heeltemal geabsorbeer is. Begin om die warm aftreksel een lepel op ʼn slag by te voeg. Draai die hitte af. Bly lepels vol aftreksel byvoeg, roer gereeld, en laat elke lepelvol geabsorbeer word voordat die volgende een bygevoeg word.
8. Roer die rys tot romerig en sag is, maar ʼn bietjie al dente in die middel. Skakel die hitte af en voeg die parmesaankaas, suurlemoenskil en sap by. Roer goed deur.
9. Wanneer die rys ʼn paar minute oor het, plaas die vis in die oond.
10. Bak vir 5-7 minute, afhangende van die dikte van die filette.
11. Skep die risotto in warm bakkies, plaas op elkeen ʼn porsie vis en eindig af met mikrokruie en ʼn skeutjie suurlemoensap.
12. Bedien en geniet.

Bron: The South African Mushroom Farmers’ Association