Hierdie resep sal enige vleisliefhebber se mond laat water.
4‑6 porsies
Bestanddele
Vulsel
- 125 ml gerasperde Clover Mature‑cheddarkaas
- 1 sirkel Clover Feta Traditional
- 5 ml gekoopte basiliepesto
- 15 ml dennepitte, gekap
- sout en varsgemaalde swartpeper na smaak
- ’n knypie droë tiemie
- peuselstokkies
Varktjops
- 6 dik varktjops, sonder been
- sout en varsgemaalde swartpeper na smaak
- genoeg Clover Farmstyle‑botter
Metode
Vulsel
- Meng al die vulselbestanddele saam en hou eenkant.
Varktjops
- Sny die varktjops dwars om ’n holte in die middel van die tjop te vorm.
- Vul die holtes van die varktjops met die vulsel en steek met ’n peuselstokkie vas.
- Geur die varktjops na smaak aan albei kante.
- Smelt genoeg botter in ’n swaarboompan en braai die varktjops vir 6 minute aan ’n kant tot goed gaar.
- Bedien warm saam met groente.
Bron: Ekonomiese Gesinskos
Uitgewer: Lapa
Hoe water my mond nou gaan definitief vanaand probeer lyk delicious
dit lyk baie lekker. ek dink ek moet dit die naweek probeer. Of in my airfryer of op die braai!! Wat sou jy doen (ja jy die ene wat hier lees)?
Lugbraaier!
dink ook so
Sou dit op die braai verkies maar dink dat jou vulsul dalk kan uitval en deur die rooster glip. Beter en veiliger in die lugbraaier.
Wel dan moet ons maar beide probeer – Vrydag aand in AF en Sondag op die Braai…
maar ja jy het n punt beet – ek het nooit gedink aan die vulsus wat kan uitval nie. Wat van n stukkie foelie aan die onderkant sit of n braai-mat gebruik dan?
Goeie idee met die AIR FRYER. Ek gaan beslis met myne ook probeer, puik idee Miena.
Dit gaan beslis probeer word more-aand – Vrydag – in die AF. Met die mieliepap en cheddar kaaskoekies wat ook vandeesweek hier op was. Ag ek wens tog net ons kon hier fotos plaas van die eindproduk… Maar ek sal maar op fb se AF groep plaas dan!!
ek lees ja, probeer dit sommer in die air fryer EN oppi braai, lyk lekker
Dit lyk en klink heerlik!
Die snitte is nie dwars nie, dis in die lengte “by the looks of it” maar dit lyk ERG lekker, ek gaan dit definitief probeer, dwars of nie dwars nie