Resep: Russiese worsie-en-spinasietert met fetakaas

Russiese worsie-en-spinasietert met fetakaas (Foto: Lapa Uitgewers)

ʼn Vinnige en smullekker souttert.

Genoeg vir 4 porsies

Bestanddele

• ʼn klont Clover Mooi River-botter
• 1 ui, fyngekap
• 1 x 375 g pakkie Russiese worsies, in skyfies gesny
• ½ bossie spinasie, deeglik gewas en grofgekap
• 30 ml koekmeel
• 250 ml Clover-volroommelk
• 125 ml Clover- vars room
• 3 eiers
• sout en varsgemaalde swartpeper na smaak
• 2 wiele Clover- gewone fetakaas, in blokkies gesny

Metode

1. Voorverhit die oond tot 180 °C en smeer ʼn oondvaste bak met ʼn 22 cm-deursnee.
2. Verhit die botter in ʼn swaarboomkastrol en soteer die ui tot sag. Voeg die worsies by en soteer tot die worsies amper gaar is. Voeg die spinasie by die worsiemengsel en soteer dit tot die spinasie verwelk het.
3. Voeg die koekmeel by en meng goed met die ander bestanddele. Verwyder van die hitte.
4. Klits die melk, room, eiers, sout en peper saam. Voeg by die worsiemengsel en meng goed.
5. Giet die mengsel versigtig in die voorbereide bak en strooi die fetakaas bo-oor.
6. Bak vir 40 minute of tot gestol in die middel.

Bron: Ekonomiese Gesinskos

Uitgewer: Lapa