Die Afrikaanse sanger Kurt Darren se skoonma en nog ʼn familielid is Donderdag in Gauteng deur twee gewapende mans aangeval.
Volgens Kurt se vrou, Dunay Nortjé, is haar ma en tannie in haar ma, Marinda, se huis oorval. Nortjé het op Twitter geskryf die mans het hulle as munisipale werkers van waterwese voorgedoen om toegang tot die huis te bekom. “My ma en tannie is vasgebind terwyl hulle die huis geplunder het,” het Nortjé gesê.
Die verdagtes het in ‘n wit bakkie met die registrasienommer, MTN148GP, gevlug.
Sy sê haar ma en tannie het groot geskrik en is getraumatiseerd.