Nugter bestuurders beloon… met bier

Argieffoto

Argieffoto

Die eienaars van kuierplekke van die Belgiese gemeenskap Diksmuide het ‘n insentief bedink om bestuurders, wat tydens padversperrings blyk niks agter die blad te hê nie, te beloon – met ‘n bier.

Tradisioneel kan die nugter bestuurders ‘n beloning van ‘n spesiale sleutelhouer kry, maar die kuierplek-eienaars meen ‘n bietjie bykomende aanmoediging is in die haak, berig die Vlaamse koerant, De Standaard.

Tussen hulle het hulle 500 bottels bier bymekaar gemaak, wat dan na goeddunke aan 500 gelukkige (maar nugter) motorbestuurders oorhandig sal word. Maar ook net eers nadat hulle veilig tuis gekom het, sodat hulle hul “droefgeestige” droë aandjie darem met ‘n bietjie lafenis rustig tuis kan afsluit.

Die polisie is nie al te opgewonde met dié plan nie, en het die organiseerders afgeraai om daarmee voort te gaan.

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Hoofnuus, Nuus, Wêreldnuus

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae