TopTV se drie nuwe pornokanale sal as ʼn afsonderlike pakket aan intekenare beskikbaar wees en verskeie ander veiligheidsmaatsreëls sal van krag wees.
TopTV sê die pornografiese programme sal slegs in waterskeidingstydgleuf tussen 20:00 en 05:00 uitgesaai word en dat verskeie veiligheidsmaatreëls, waaronder ʼn PIN-kode en ouderdomsbevestiging van krag sal wees. Dit kom nadat die Onafhanklike Kommunikasie-owerheid van Suid-Afrika (Okosa) aan TopTV regte toegestaan het om pornografie uit te saai. TopTV het die beslissing as ʼn “oorwinning vir demokrasie en vryheid van spraak” bestempel. Die drie pornokanale is Playboy TV, Desire TV en Private Spice.