(Argieffoto: Unsplash)
Suid-Afrika het in dié stadium 3 424 534 bevestigde gevalle van die koronavirus nadat nog 7 216 nuwe gevalle bevestig is, sê die Nasionale Instituut vir Oordraagbare Siektes (Nios).
Daar is tans 199 366 aktiewe gevalle van die virus.
Volgens Nios is 25 nuwe sterftes bevestig wat die algehele sterftesyfer op 90 854 te staan bring.
Altesame 30 529 toetse vir Covid-19 is sedert die vorige verslag gedoen en die positiwiteitskoers is tans 23,6%, ʼn effense styging van die 22% waarop dit ʼn dag tevore gestaan het. Die sewedaggemiddeld is 26,8%, laer as die 27,4% van ʼn dag gelede.
Nog 286 mense is in hospitale opgeneem vir behandeling van Covid-19 en landwyd word 8 933 mense tans vir die virus behandel.
Die meeste nuwe gevalle is steeds in KwaZulu-Natal (28%), gevolg deur die Wes-Kaap (25%), Gauteng (22%), die Oos-Kaap (11%), die Vrystaat (4%), Noordwes en Mpumalanga (3% elk), en Limpopo en die Noord-Kaap (2%).
Nuwe gevalle:
- Oos-Kaap: 795
- Vrystaat: 258
- Gauteng: 1 616
- KwaZulu-Natal: 1 990
- Limpopo: 171
- Mpumalanga: 191
- Noordwes: 227
- Noord-Kaap: 151
- Wes-Kaap: 1 817
- Totaal: 7 216
Altesame 50 266 dosisse van die entstof is Dinsdag toegedien.
