DA: ‘SA dok steeds op vir ANC se luukshede’

Senzo Mchunu. (Foto: Flickr/GovernmentZA)

“Die onlangs hersiene ministeriële handboek versuim om beperkings te stel op uitspattige ministeriële uitgawes en, in sy huidige vorm, is dit niks meer as ʼn blanko tjek vir ministers om belastingbetalers se geld te bestee nie.”

Só sê die DA oor die huidige ministeriële handboek wat die party meen in sy huidige vorm onvolhoubaar is. Die amptelike opposisie sê hy die parlement se portefeuljekomitee oor staatsdiens en administrasie versoek om voorleggings aan minister Senzo Mchunu te doen oor hoekom die huidige handboek drasties aangepas sal moet word om verkwistende besteding deur lede van die uitvoerende gesag te beperk.

Pres. Cyril Ramaphosa het voorheen belowe dat ʼn hersiene ministeriële handboek uitspattige ministeriële besteding sal stopsit. Leon Schreiber, DA‑woordvoerder, meen egter dít was net ʼn leë belofte. Die hersiene ministeriële handboek het presies die teenoorgestelde gedoen, sê hy.

“Die hersiene handboek stel geen beperking op die bedrag wat ʼn minister of adjunkminister mag bestee op ministeriële voertuie nie. Die vorige ministeriële handboek het onaanvaarbare hoë perke vir ministers se voertuie gehad, ʼn rekening wat belastingbetalers R50 miljoen in die afgelope drie jaar gekos het.

“Die hersiene handboek doen weg met al die beperkings van wat ministers mag bestee op ministeriële voertuie, wat ministers toelaat om selfs R1,6 miljoen per voertuig te bestee – en die rekening sal aansienlik hoër wees as wat ons in die verlede gesien het.”

Die nuwe handboek het ook die bedrag wat ministers op persoonlike veiligheid mag bestee, verhoog van R100 000 per jaar tot R250 000 per jaar. Suid-Afrikaners sal ook opdok vir voormalige ministers en adjunkministers se besigheidsklasvliegkaartjies. Schreiber voer aan dié bepaling beteken Suid-Afrikaners sal gemiddeld R192 000 per jaar per voormalige minister bestee – ongeveer R17 miljoen altesaam elke jaar.

“Om sake te vererger, word daar ook van Suid-Afrikaanse belastingbetalers verwag om te betaal vir huishoudingsdienste by ministers se huise, en selfs hul DSTV, teen drie huise per minister,” het hy gesê.

“Die DA is baie teleurgesteld in die hersiene ministeriële handboek en die gebrek aan konsultasie met enige van die ander partye. Die DA sal baklei vir drastiese aanpassings om uitermatige besteding van belastinggeld deur politici stop te sit,” sê Schreiber.

“Suid-Afrikaners betaal belasting om Suid-Afrika te verbeter, nie om die ANC‑kaders se luukse leefstyle te befonds nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

34 Kommentare

jongste oudste gewildste
Peanutbotter & Stroop

En die hardwerkende pligsgetroue belastingbetalers sukkel om kop bo water te hou! Luukshede soos DSTV is lankal nie meer deel van ons huishoudings nie………

Johan Maritz

nou verstaan ek hoekom DSTV nog bestaan.

Vintcent

DA is ewe skielik baie verbaal. Hul is deel van die probleem in SA. Paphandjie-benadering en wit voetjie soek het die land nêrens gebring nie.

Andreas

Luukshede is ook om oorsee te reis, China of Japan te besoek om konfirensies by te woon, om te droom van superstede, in plaas van om na die land se behoeftes en ek bedoel binnelandse behoeftes soos veiligheid en vodde munisipaliteite om te sien. En natuurlik om by te wees as die een kader na die ander wat aan korrupsie skuldig bevind is in gelid voor jou verby die gevangenis in marsjeer word.

Jan

Waarom kerm julle ou afrikanerkies soos n klomp kleintkies toe julle moes saamstaan toe wou julle mos nie.