‘Dae van disrespek teenoor NVG se besluite verby’

Adv. Shaun Abrahams, die hoof van die Nasionale Vervolgingsgesag (NVG). Foto: Flickr/GovernmentZA

Adv. Shaun Abrahams, die hoof van die Nasionale Vervolgingsgesag (NVG). Foto: Flickr/GovernmentZA

Shaun Abrahams, hoof van die Nasionale Vervolgingsgesag (NVG), het Dinsdag gesê “die dae van disrespek jeens die besluite van die NVG is verby”, kort nadat hy aangekondig het dat Pravin Gordhan, die minister van finansies, van bedrog aangekla word.

Abrahams het tydens ʼn mediakonferensie verslaggewers se vrae beantwoord oor die tydsberekening van die besluit om die minister en twee voormalige beamptes van die Suid-Afrikaanse Inkomstediens (SAID) aan te kla.

“Wat as hierdie besluit deur ʼn regter geneem is of as die besluit deur die openbare beskermer geneem is? Sou julle reaksie dan nog dieselfde gewees het? Die dae van disrespek teenoor die besluite van die NVG is verby,” het Abrahams gesê. “Verby is die dae wat daar na die NVG in só ʼn lig gekyk word, die dae waar senior regeringsbeamptes nie aanspreeklik gehou word nie.”

Gordhan, wat aan die hoof van die SAID was voordat hy in 2009 minister van finansies geword het, en sy voormalige kollegas, Oupa Magashula en Ivan Pillay, is beveel om op 2 November in die Pretoria-streekshof te verskyn. Die aanklagte hou verband met Pillay se indiensnemingskontrak.

Abrahams het gesê die Valke se ondersoek na die saak is reeds in ʼn gevorderde stadium en duur voort.

Die ANC het intussen in ʼn verklaring gereageer deur Gordhan, Pillay en Magashula te vra om nie enige kommentaar in die publiek oor die saak te lewer nie, omdat dit “die behoorlike prosesse kan ondermyn of verwarring kan veroorsaak”.

Die party het gesê die ondersoek en die onbevestigde “samesweringsteorieë” wat daarmee saam die ronde doen het reeds ʼn nadelige invloed op die Suid-Afrikaanse ekonomie gehad. “Ons hoop daarom dat vandag se aankondiging ons ʼn stap nader daaraan sal bring om die ware feite aan die lig te bring en hierdie saak te finaliseer. Ons verwelkom [Abrahams] se uitsprake en verwerp bewerings van politieke inmenging in die vervolgingsproses,” lui die verklaring.

“Die ANC doen ʼn beroep op alle partye, sowel as eksterne rolspelers, om die reg toe te laat om sy gang te gaan. Die ANC doen ook ʼn beroep op comrade Pravin Gordhan en ander om hul volle samewerking aan die NVG te gee sodat hierdie saak so gou as moontlik gefinaliseer kan word.”

Die rand het intussen met meer as 3% teenoor die dollar geval ná die aankondiging.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

46 Kommentare

jongste oudste gewildste
Ivan

Hoe is dit dat Pravin vervolg word, maar klomp ander ministers wat by korrupsie en tender bedrog betrek en geimpliseer word loop steeds skot vry?

callie

Kan iemand die Abrahams vra vir die redes hy waarom hy nie die Zumas en die ministers wat onwettig met staats vliegtuie onwettig mense die land inbring en al die tipe oortreders nie aankla nie.

Dirk

So hoekom ondersoek hy dan nie al die korrupsie aanklagte teen Zuma nie? Daar is baie meer van hulle en wat van sy maatjie wat so kort draai in die tronk gemaak het en toe parool kon kry??

sybrand

Hoekom veg hulle so om Zuma uit die tronk uit te hou met al sy aanklagtenet om te se dis nie politiek nie. Kry julle ptioriteite reg en kla die groot skelms eers aan.

lynette

Dus is Zuma nou volgens hom vrygespreek? Dis mos die NVG wat gese het hy hoef nie vervolg te word op die 783 klagtes van bedrog nie.