Daryl Impey vrygespreek op dwelmaanklag

Daryl Impey. Foto: Twitter

Daryl Impey. Foto: Twitter

Die Suid-Afrikaanse fietsryheld Daryl Impey is vrygespreek op ʼn aanklag dat hy ʼn verbode middel gebruik het.

Khalid Galant, uitvoerende hoof van die Suid-Afrikaanse Instituut vir Dwelmvrye Sport (Saids), sê hulle sal later ʼn volledige verklaring uitreik om te bevestig dat Impey vrygespreek is.

Impey het in Februarie tydens die Suid-Afrikaanse padkampioenskap in Durban positief getoets vir die verbode middel Probenecid. Dit word glo gebruik as ʼn diuretikum (ontwateringsmiddel) en verbloemingsmiddel.

“Dit is die beste nuus om aan my familie, vriende, span en ondersteuners oor te dra,” het Impey Vrydag op Twitter gesê.

Hy het verlede jaar geskiedenis gemaak toe hy die eerste fietsryer van Afrika geword het om die geel trui in die Tour de France te dra.

“Hoewel ek nooit die laboratorium se uitslae en die bevindings betwis het nie, is ek in ‘n baie moeilike posisie geplaas om my saak te stel as gevolg van streng aanspreeklikheid,” het Impey op sy webwerf gesê. Hy sê hy was uiteindelik in staat om te bewys dat dit ‘n geval van kruisbesmetting was en dat hy vrygespreek is van enige skuld of nalatigheid.

Volgens Impey was dit die moeilikste twee maande van sy lewe en dat hy finansieel groot verliese gelei het. “Dit was vir my hele familie moeilik. Ek was vasbeslote om te wys dat ek skoon is en dat ek nooit sal kul om ʼn voorsprong bo my mededingers te kry nie. Ek is so verlig dat dit nou bewys is.”

Lees ook:
Daryl Impey toets positief vir verbode middel

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

3 Kommentare

HEVW ·

Baie bly saam met jou, familie, span en ondersteuners. Eerlik en harde werk is nog altyd beloon.
Lekker trap en mooi prestasies in die toekoms.

Johan ·

Hoeveel geld het Daryl as gevolg van sy skorsing verloor? Gaan die apteker wat die verbode medikasie “per ongeluk” aan Daryl gegee het, gedagvaar word vir skade vergoeding?

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.