Dlamini-Zuma weet glo nie waar die hoofstad is nie

Nkosazana Dlamini-Zuma, die minister van samewerkende regering en tradisionele sake (Foto: National Cogta/Twitter)

Nkosazana Dlamini-Zuma, die minister van samewerkende regering en tradisionele sake, is in ʼn geskrewe vraag deur die DA versoek om te sê in watter munisipaliteit die hoofstad van die Republiek gevind kan word.

George Michalakis, DA-LP en lid van die nasionale raad van provinsies, het in ʼn verklaring gesê Dlamini-Zuma het geantwoord: “Die inligting wat deur die eerbare lid gevra is, sal ingedien word sodra dit beskikbaar is.”

“Dit is ondenkbaar dat ʼn minister, wat nie eers weet waar die hoofstad is, in beheer moet wees van die bestuur van alle stede en munisipaliteite in die land nie,” het Michalakis gesê. “Dit is nog ʼn bewys dat Dlamini-Zuma nie haar parlementêre pligte in ʼn ernstige lig beskou nie, ongeag die feit dat sy ten volle aanspreeklik is aan die parlement.”

Dlamini-Zuma is onlangs deur die DA gekap omdat sy ʼn generiese reaksie aanbied op elke geskrewe parlementêre vraag, dat sy dit nie oordink nie en dat sy nie haar aanspreeklikheid in ʼn ernstige lig beskou nie.

“Die reaksie sal aan pres. [Cyril] Ramaphosa en adjunkpres. [David] Mabuza gestuur word met ʼn versoek dat die minister dadelik afgedank moet word. Suid-Afrikaners verdien meer van hul kabinetministers en die uitvoering van hul grondwetlike pligte. Trouens, Suid-Afrika verdien bloot beter kabinetministers.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

40 Kommentare

jongste oudste gewildste
JohanR

Weet sy waar haar neus is? Kan nie moelik wees om te vind, want hy moet by nou al 5km lank wees met al die leuns wat sy vertel!

Adam Adriaan

Sy weet nie waar sy haar self bevind nie

Snowball

LMMA – lag my masker af.
Die amper president!!!!!! En die huidige een kon net ‘n paar stemme meer bymekaarkrap. Toksiese organisasie, daai ANC.

Pieter

Sy weet net waar is zimbabwe want haar sigarette kom van daar af

Magda

Dom / Dommer / Domste – wonder onder watter een sy tel.