Waarskuwing: Die inhoud van hierdie berig kan sommige lesers ontstel.
’n Driejarige seuntjie van die Oos-Kaap is Dinsdag wreed vermoor – vermoedelik deur sy ma se kêrel.
Die polisie het die seuntjie, Sinobom Tywantsi, se liggaam in die omgewing van die Bhongweni- informele nedersetting tussen bosse aangetref en ’n 37-jarige man op die toneel in hegtenis geneem.
ʼn Bebloede mes is ook op die toneel gevind.
Kol. Priscilla Naidu, polisiewoordvoerder, sê die verdagte het die kind omstreeks 15:30 by sy ma se huis gaan haal waar die kleuter saam met ander kinders gespeel het.
“Hy het die kind na ʼn bebosde gebied geneem en vermoedelik sy keel afgesny. Lede van die gemeenskap wat gesien het hoe hy die kind die bosse inneem, het die polisie ontbied, wat die verdagte by die kind gevang het.
“Die motief vir die moord is na bewering ʼn geskil oor vaderskap.”
Die man is op die toneel in hegtenis geneem en word nou van moord aangekla.
Kan niks se nie……….
Wat ‘n siek mens!
Wat ek wil sê, sal nie geplaas word nie.
Ek het dit gese kom ons kyk.
Hoekom die kind vermoor,hy verstaan nie eers hoekom hy moes boet vir die ouers se geskille nie.Rus sag liewe seuntjie by Jesus.Nou het jy Engel vriende en is jy ontslae van die wrede wêreld waarin jy moes groot word.
Nee – nee- nee. Dis net verkeerd.
En weer gaan hierdie gemors niks oorkom nie. Tikkie op die vingers en weer vry in die gemeenskap
Sag rus kleinding die Here sal met hom afreken.