‘Ek voel nie vreemd in Tshwane nie,’ sê Didiza

Tshwane-burgemeesterskandidaat Thoko Didiza en Paul Mashatile, voorsitter van die ANC in Gauteng, tydens 'n perskonferensie in Johannesburg (23 Junie 2016) Foto: Getrude Makhafola/ANA

Tshwane-burgemeesterskandidaat Thoko Didiza en Paul Mashatile, voorsitter van die ANC in Gauteng, tydens ‘n perskonferensie in Johannesburg (23 Junie 2016) Foto: Getrude Makhafola/ANA

Pretoria se ANC-burgemeesterskandidaat, Thoko Didiza, het Donderdag gesê sy voel tuis in die stad en sien uit na haar nuwe verantwoordelikhede in die plaaslike regering.

“Ek is ʼn inwoner van Tshwane, dit is my huis. Ek wil die mense van Tshwane bedank wat my hartlik verwelkom het toe ek die stad jare gelede my huis gemaak het,” het sy aan verslaggewers in Johannesburg gesê. “Ek voel nie soos ʼn vreemdeling in Tshwane nie.”

Dit is die eerste keer wat Didiza in die publiek praat oor die gewelddadige betogings wat die stad geruk het nadat sy verlede Sondag as die ANC se burgemeesterskandidaat aangewys is. Didiza het gesê die brandstigting en plundery is nie ʼn refleksie van die mense in die streek nie.

“Ek moet sê, dit is jammer om verwoesting in ons gemeenskappe te sien. Dit maak nie saak wat die vlak van ontevredenheid is nie, mense moet nie by geweld betrokke raak nie. Ons beplan om saam met die gemeenskappe en leiers te werk en ʼn einde hieraan te bring.”

Didiza en ander kandidate vir die Gauteng-burgemeesterskap is Donderdag aan die media voorgestel te midde van berigte oor plundery wat in Pretoria voortduur.

Die gewelddadige betogings het Sondagaand begin en Maandag geëskaleer nadat Didiza as die burgemeesterskandidaat aangewys is. Paaie is versper, busse is aan die brand gesteek en winkels is in Atteridgeville, Mamelodi, GaRankuwa, Mabopane en Hammanskraal geplunder.

Betogers eis dat die bestaande burgemeeste, Kgosientso Ramokgopa, moet aanbly vir ʼn tweede termyn.

Op ʼn vraag hoe sy voel oor die gewelddadige gebeure die afgelope week, het Didiza gesê as ʼn inwoner sal sy reageer deur hard te werk om programme voort te sit wat deur Ramokgopa ingestel is. “Die ander verantwoordelikheid van leierskap is om bo omstandighede uit te styg,” het sy gesê.

Lees alle vorige berigte oor Pretoria-onluste opo Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

11 Kommentare

jongste oudste gewildste
Loon

Ek hoop sy het n swembad by haar huis…met n sterk pomp om n vuur te kan blis!

Adrian

Nee wat maak nie saak wie in beheer kom nie almal van die anc is skelm en verrot. Sy gaan korrupsie net verder aanhelp. Wys my n eerlike anc burgemeester ????? Nul

Koos

Dit is reg so laat die wiele afkom.

John

Hoekom is Didiza nie meer in die kabinet nie? Om nou maar net ‘n burgemeester te word? Sy is hoog in haar noppies. Pretoria sal brand, maar Zuma kry sy sin.

Johann

Ter wille van ANC selfsug….ten koste van die land, beginnend by plaaslike instellings. SKAAM JOU DUDU…en as Pretoria inwoner: jy is NIE welkom nie!