Die vissersboot waarop daar toegeslaan is. (Foto: SAPD)
Tien verdagtes is in hegtenis geneem nadat die polisie Maandagaand op kokaïen ter waarde van nagenoeg R583 miljoen op ’n vissersboot aan die kus van Saldanha in die Wes-Kaap toegeslaan het.
Brig. Novela Potelwa, polisiewoordvoerder, sê speurders verbonde aan die dwelmafdeling van die Wes-Kaapse eenheid teen georganiseerde misdaad het gedurende die klopjag op 973 blokke saamgeperste kokaïen beslag gelê. Dié blokke is in drie kompartemente van die vissersboot gevind.
Tien verdagtes, vier mense van Bulgaarse afkoms en ses burgers van Mianmar, is in hegtenis geneem.
Die verdagtes sal binnekort in die landdroshof op Vredenburg verskyn op aanklag van dwelmhandel.
’n Ondersoek duur intussen voort om die oorsprong en bestemming van die besending dwelms te bepaal.
Potelwa sê die klopjag is ’n stap in die regte rigting in die polisie se pogings om dwelmhandel hok te slaan.
Die 973 blokke saamgeperste kokaïen waarop daar beslag gelê is. (Foto: SAPD)
Van die blokke saamgeperste kokaïen waarop daar beslag gelê is. (Foto: SAPD)
Van die blokke saamgeperste kokaïen waarop daar beslag gelê is. (Foto: SAPD)
Een van die blokke saamgeperste kokaïen waarop daar beslag gelê is. (Foto: SAPD)
Die vissersboot word deursoek. (Foto: SAPD)
Hehe, iemand se besigheid het ‘n verlies op die boeke!
En hoeveel miljoene rande sin het nie al hier in sa ingekom nie.
Elke bietjie wat wel verhoed word om versprei te word help ‘n bietjie……..
Wat n groot vangs!
Oortjies van die seekoei!!!
Wat van die grotes wat al weggekom het?
hulle vat ‘n ver hawe, nie gedink hulle sal daar ook deursoek word nie, hoeveel kilogram was dit, naastenby
Onder watter vlag vaar die vissersboot?