Geskorste Valke-baas weer aangekla

Johan Booysen

Johan Booysen

Genl.maj. Johan Booysen, die geskorste hoof van die Valke in KwaZulu-Natal, is weer aangekla van presies dieselfde aanklagte wat twee jaar gelede deur die hooggeregshof in Durban uitgegooi is.

Carl van der Merwe, Booysen se regsverteenwoordiger, het bevestig dat sy kliënt aangekla is en het gesê Booysen sal Vrydag in die hof verskyn.

Volgens Van der Merwe het Shaun Abrahams, die nasionale direkteur van openbare vervolging, besluit om weer aanklagte van rampokkery en korrupsie teen Booysen in te stel. Van der Merwe het gesê Abrahams het die sertifikate uitgereik wat magtiging gee vir die vervolging van Booysen.

Booysen is in Augustus 2012 deur die waarnemende hoof van openbare vervolging, Nomgcobo Jiba, aangekla. “Abrahams het presies dieselfde sertifikate [as Jiba] uitgereik,” het Van der Merwe gesê.

Luvuyo Mfeka, woordvoerder van die nasionale vervolgingsgesag (NVG), het die aanklagte Woensdag in ʼn mediaverklaring bevestig.

Booysen is aangekla saam met lede van die voormalige Cato Manor-eenheid vir ernstige en gewelddadige misdade dat hulle glo betaalde huurmoorde tydens die KwaZulu-Natal taxi-geweld uitgevoer het. Jiba het in haar hofaansoeke gesê die eenheid het soos ʼn georganiseerde misdaadorganisasie opgetree.

Booysen het deurentyd skuld op die aanklagte ontken. Regter Trevor Gorven het in 2014 in die hooggeregshof in Durban die saak uitgegooi en gesê die aanklagte het nie eers aan die minimum vereistes vir vervolging voldoen nie.

Abrahams se besluit om Booysen te vervolg kom kort ná ʼn onlangse besluit deur die hooggeregshof om Booysen se skorsing ter syde te stel nadat genl.maj. Berning Ntlemeza, die nasionale hoof van die Valke, hom van bedrog beskuldig het.

Regter Anton van Zyl het gesê daar is nie prima facie- bewyse dat die bedrog gepleeg is of dat Booysen daarby betrokke was nie. Ntlemeza het vroeër vanjaar aansoek gedoen om teen die uitspraak te appelleer, maar dit is van die hand gewys. Hy het nou die appèlhof genader.

Die voormalige lede van die Cato Manor-eenheid sal glo Vrydag saam met Booysen in die hof verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

16 Kommentare

jongste oudste gewildste
Nerine

Rêrig mnr. Abrahams?

PJ

En die arme Belastingbetaler betaal die koste vir hierdie grappies van die nvg

Tjaart

Insanity: doing the same thing over and over again and expecting different results… volgens Albert Einstein in elk geval

Adrian

Die keer moet die hof abrahams persoonlik verantwoordelik hou vir alle hofkoste dieselfde vir glynnis sou hul nie die saak wen en die saak uitgegooi word. Niks meer teen die belastingbetaler nie die ding moet nou stop. Kat en muis speletjies

Adrian

Genl.maj Booysen jy is n man van intergeniteit n ware held staan die spul tee o hulle haat n witman en as hy eerlik en dapper is nog meer