KZN-ongeluk eis 6

Ses mense het op 15 November 2014 in die ongeluk by die Blue Lagoon-brug in Durban gesterf Foto: Netcare911, Twitter

Ses mense het op 15 November 2014 in die ongeluk by die Blue Lagoon-brug in Durban gesterf Foto: Netcare911, Twitter

Ses mense is Saterdagoggend dood toe twee motors mekaar op die M4-snelweg naby die Blue Lagoon-brug in Durban getref het.

“Vyf persone het in een van die voertuie gereis en een persoon in die ander motor,” het Caleb Wang, woordvoerder van die provinsiale nooddienste, gesê. “Al twee motors het aan die brand geslaan en die insittendes van albei voertuie het omgekom.”

Die polisie ondersoek die oorsaak van die ongeluk. Die ongeluk het omstreeks 01:45 plaasgevind.

Garrith Jamieson, woordvoerder van Rescue Care, het gesê een van die motors het moontlik aan die verkeerde kant van die snelweg gery.

Intussen berig Rising Sun Chatsworth egter dat padwoede moontlik tot die ongeluk gelei het. Klik hier om meer te lees.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae