Panyaza Lesufi. (Foto: Verskaf)
Panyaza Lesufi, Gautengse LUR vir onderwys, het nou ook positief getoets vir Covid-19.
Steve Mabona, woordvoerder van die Gautengse departement van onderwys, sê Lesufi het hom Vrydagoggend vir Covid-19 laat toets en het ’n positiewe toetsuitslag ontvang.
Dít nadat die LUR Donderdagaand begin sleg voel het en gesukkel het om asem te haal.
Volgens Mabona gaan dit intussen beter met Lesufi. Hy isoleer homself tans tuis en ontvang mediese behandeling.
Die LUR is ingeënt teen Covid-19.
Sy departement doen nou ’n beroep op enigeen wat onlangs in kontak met die LUR gekom het, om hulself te monitor en te laat toets indien nodig.
