ʼn Onbekende man wat Dinsdagoggend deur ʼn vragmotor getref is, het in die Osindisweni-hospitaal aan sy beserings beswyk. Die liggaam van ʼn vrou, vermoedelik sy lewensmaat, is langs ʼn versperring op die R102 tussen Verulam en Ottawa gevind.
Reaction Unit South Africa het die vragmotor sowat 1,5 km van die toneel gevind. Die bestuurder en assistent het aan beamptes gesê hulle is deur ʼn ander vragmotor uit die stadige laan gedwing. Hulle was nie bewus daarvan dat hulle twee voetgangers getref het nie. Die vervoermaatskappy is gebaseer in kwaDukuza.
Volgens ooggetuies het die paartjie saam met twee minderjarige kinders langs die pad gestap. Beamptes het tevergeefs na die twee kinders en die gesin se huis gesoek.
Die doodsengel het ons land getref met ‘n ongekende spoed. Hoekom vra ek ? Mense word verarm en uitgemergel tot die dood. Hoekom ?? Ek wonder net.
Gebeur oorsee ook.
Waar is die kindertjies?
Ek ondervind daagliks, wanneer ek ry, dat die meeste bestuurders swaar van voet en lig van verstand is. Soms wonder ek hoe dit moontlik is dat sommige bestuurders lisensies gekry het.
Hulle het nie
Hoe aardig is dit nie! Ai, hoop hulle kan die kinders opspoor.
Ek verstaan nie die berig nie. Die man en vrou het met twee minderjariges geloop. Wat het dan van die kinders geword?
Die kinders is nêrens te vinde nie