Ma vas ná sy pasgebore baba in puttoilet gooi

Argieffoto

ʼn 21-jarige vrou van Dinokana in Noordwes word van poging tot moord aangekla nadat sy haar drie dae oue baba in ʼn puttoilet gegooi het.

Lt.kol. Amanda Funani, woordvoerder van die polisie, sê die vrou het glo besluit om haar baba in ʼn puttoilet te gooi omdat haar familie nie geweet het dat sy swanger was nie.

Funani sê die vrou het na bewering sonder enige hulp gekraam en die baba self gevang.

Volgens haar het ʼn familielid van die vrou onraad vermoed toe sy bloed by die puttoilet opgemerk het. “Terwyl sy nog erg geskok was, het die baba begin huil waarna sy haar suster en hul bure na die toneel geroep het. Die EMRS-nooddiens en die polisie is na die toneel ontbied waarna die baba uit die puttoilet gered is.”

Sy sê die ma en die baba is na die hospitaal geneem, waar hulle onder polisiebewaking was, om ondersoek te word.

Funani sê die vrou sal na verwagting Maandag in die landdroshof in Lehurutshe verskyn. Welsynsdienste sal in die komende dae oor die baba se toekoms besluit.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

8 Kommentare

jongste oudste gewildste
Hanna

Voorbehoeding is absoluut orals en boonop gratis beskikbaar, maar nee… Ons raak nig steeds ongewens swanger! En dan kry jy die mentaliteit van “HIV is maar net nog n siekte”. Either way, die belastingbetalers gaan tog maar op die ou end vir die gelag betaal!

Maro

Dis baie hartseer. Maar verkragting speel ook n groot rol in ongewenste swangerskappe. Dit bly onaanvaarbaar dat sy nie die baba kon aangee vir aanneming nie.

Piet Pompies

Ons dogter en haar man sukkel al jare om swanger te raak en is nog steeds kinderloos… hier gooi ‘n moeder haar kind weg…

PJC

Ek dink wetenskaplikes moet nou vorendag kom met ń pil wat mense sommer permanent steriel maak siende dat hulle skynbaar vrye teuls gee aan hulle drange en dan agterna nie weet hoe om die gevolge te hanteer nie.

Oosie

Die staatstoelae wat betaal word vir kinders soos hierdie is ook ‘n onding. Die ma’s jaag die geld (toelae) na en dit gaan nie oor die kind nie. Sodoende is ‘n bose kringloop geskep van verwerpte kinders en word ‘n generasie van misdadigers grootgemaak…