Man in hof ná tref-en-trap in Bloem

‘n Foto van Jeremy Barnard wat sy ma, Rouve, op Facebook geplaas het.

ʼn 42-jarige man verskyn na verwagting later vandag in die landdroshof in Bloemfontein ná ʼn tref-en-trap-ongeluk waarin ʼn jong motorfietsryer van die stad verlede naweek ernstig beseer is.

ʼn Motoris het verlede Sondag omstreeks 01:00 teen Jeremy Barnard (20) op sy motorfiets gebots. Barnard het op die hoek van Nelson Mandelarylaan en Parfittlaan oor ʼn groen verkeerslig gery toe die ongeluk plaasgevind het.

Die motoris het na bewering nie stilgehou ná die ongeluk nie.

Sers. Wendy Nkabi, polisiewoordvoerder, het gesê ondersoekers het die motoris Vrydag in De Aar opgespoor.

Hy word aangekla van roekelose en nalatige bestuur en verskyn later vandag in die hof, het Nkabi gesê.

Barnard is ná die ongeluk in die Universitas-hospitaal opgeneem. Rouve Barnard, Jeremy se ma, het op Facebook geskryf Jeremy word steeds onder verdowing gehou.

Hy sal na verwagting later vandeesweek onder meer ʼn skandering ondergaan en sukkel tans met hoesbuie. Dokters is egter tevrede met sy asemhaling, het sy geskryf.

Nóg ʼn jong motorfietsryer, Jason Pieters (22), is verlede naweek ernstig beseer toe ʼn voertuig hom die Saterdagaand van agter getref het waar hy op sy motorfiets by ʼn rooi verkeerslig gewag het.

ʼn Video van die voorval is op sosiale media versprei.

Pieters is steeds in die Pelonomi-hospitaal, maar herstel baie goed, het sy broer, Ryno, Maandag gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
honourable member

Laat hierdie man sommer die hospitaal onkostes ook betaal.

TimJan

Gee vir hom ‘n motofiets…..

emily

Maak tog n voorbeeld van hom, Geen verskoning moet aanvaar word hoekom hy nie gestop het nie.

chrisjan

My vrou is fisies gestremd gelaat en met ‘n brein besering vir die res van haar lewe na 6 weke in ICU en 10 weke in rehabilitasie hospitaal agv ‘n man wat van agter af in ons vasgejaag het (feitlik presies soos in die geval).Hy kon nie weg jaag nie want sy Land Cruiser het omgeslaan na hy ons motor getref het.Hy het R500 boete betaal vir roekelose en nalatige bestuur en dis dit.Hy het nie eers aangebied om die R5000 se skade aan goedere binne ons motor te help betaal nie.EN hy is ‘n BLANKE!

Gert van Wierdapark

Die motors se NAAM asseblief! Hy is op De Aar opgespoor = wie en wat is hy. “Name and shame” – hoekom moet die padvarke beskerm word???