Man verdrink in Vaaldam

Vaaldam Foto: seebyseeing.net

ʼn 28-jarige man van Sasolburg in die Vrystaat het Dinsdag in die Vaaldam verdrink.

Craig Lambinon, woordvoerder van die Nasionale Seereddingsinstituut (NSRI), sê die man was glo op ʼn kano aan’t visvang, sowat 100 m van die damwal af, toe hy ingeval en onder die water verdwyn het.

Lambinon sê vriende van die man, wat glo langs die water gestaan en kyk het, het die nooddienste ontbied.

Hy sê die NSRI se lewensredders kon nie daarin slaag om die man onder die water op te spoor nie, en het die polisie se duikeenheid ontbied. Die man se liggaam is ná etlike probeerslae onder die water uitgehaal.

ʼn Nadoodse ondersoek moet nog afgehandel word. Die polisie het ʼn ondersoek van stapel gestuur.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

4 Kommentare

WillieN ·

Tragies, het hy ‘n reddings baadjie aangehad? Sasolburg in Mpumalanga?

Cyril Blackburn ·

Dagsê Willie
Dankie vir jou valkoog! Ons vra om verskoning vir die oorsig – die berig is reeds gewysig.
Groetnis
Cyril nms Maroela Media

Trudy ·

Ja hy het n reddingbaadjie aangehad..toe die boot omslaan het hy probeer uit swem en in die proses die baadjie uitgetrek..al het hul van die kant geskree hy moenie. RIV Seiso..jy sal baie gemis word

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.