’n Vermeende dwelmsmokkelaar is Dinsdag tussen Robertson en Worcester in die Wes-Kaap in boeie geslaan nadat hy in besit van Mandrax ter waarde van R2,8 miljoen voorgekeer is.
Zinzi Hani, woordvoerder van die Valke, sê die Valke se narkotikaburo (Saneb) in Bellville en die Wes-Kaapse polisie het inligting ontvang oor ’n verdagte wat van Gauteng na Kaapstad onderweg was met ʼn voertuig vol Mandrax-tablette.
Die betrokke voertuig is later op die R60 opgemerk en met behulp van die polisie se honde-eenheid voorgekeer en deursoek.
Talle versteekte Mandrax-tablette is tydens die soektog in ʼn vals kompartement in die voertuig gevind. Die verdagte is summier in hegtenis geneem en die polisie het op die dwelms beslag gelê.
Die man sal na verwagting Donderdag in die landdroshof op Worcester verskyn op aanklag van dwelmhandel.
Goed so. Hierdie smouse pleeg indirekte moord.
En so is die polisie aan hul neuse rongelei, want die groter besending het ongesiens deur hul vingers geglip … ou trick van dwelm smokelaars
Hoe weet jy dit??
Sy jakkalsdraaie het hom NIKS gehelp!
Baie goeie werk SAPD
Die NVG moet tog net nie weer die saak opmors en die skuldiges laat wegkom agv swak voorbereiding vir die saak.
Die muil se base sal nooit aangekeer word nie . Daarvoor kry elke een sy sakgeld om ander pad te kyk .