Noodlottige botsing eis twee

‘n Foto van die ongeluk in Ritavi buite Tzaneen (Foto: Verskaf)

Die polisie in Limpopo ondersoek ʼn klag van strafbare manslag nadat ʼn grusame ongeluk in Ritavi buite Tzaneen die lewe van twee mense geëis het.

Kol. Moatshe Ngoepe, woordvoerder van die polisie, sê die ongeluk het op die Tzaneen- en Phalaborwapad plaasgevind en verwoesting oor ʼn groot deel van die pad gesaai.

Volgens Ngoepe was twee motors in die botsing betrokke. Hy sê dit is in dié stadium nog nie duidelik presies wat tydens die botsing gebeur het nie.

“Twee mense is op die toneel dood verklaar,” sê hy. “Nooddienste moes meganiese toerusting gebruik om die liggame van die oorledenes uit die motorwrakke te sny.”

Ngoepe sê die polisieondersoek is nog in ʼn vroeë stadium en duur voort.

‘n Foto van die ongeluk in Ritavi buite Tzaneen (Foto: Verskaf)

‘n Foto van die ongeluk in Ritavi buite Tzaneen (Foto: Verskaf)

‘n Foto van die ongeluk in Ritavi buite Tzaneen (Foto: Verskaf)

‘n Foto van die ongeluk in Ritavi buite Tzaneen (Foto: Verskaf)

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

Lionette Steyn ·

Dit was ñ lelike ongeluk. Ons is daar verby net na die ongeluk. Ek het ook 1 foto geneem.

Cynthia TREDOUX ·

Hoe kan so n GRUSAME ongeluk op so n OOP PAD plaasvind? Vra maar net…

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.