Ramaphosa se vyf doelwitte vir Suid-Afrika

Pres. Cyril Ramaphosa tydens die staatsrede 2019 (Foto: Phando Jikela/ANA)

Pres. Cyril Ramaphosa het Donderdag in Kaapstad in sy staatsrede vyf hoofdoelwitte gestel waaraan die staat vanjaar voortdurend sy handel en wandel gaan meet.

Eerstens moet inklusiewe ekonomiese groei en werkskepping die hoofprioriteit van die jaar wees.

Tweedens is dit, gegewe Suid-Afrika se geskiedenis, noodsaaklik om die onderwys- en opleidingstelsel te verbeter. In die verband sal die sowat 4 000 puttoiletstelsels wat steeds by skole bestaan, dringend deur spoeltoilette vervang word en vroeë kinderontwikkeling sal van die swak funksionerende departement van maatskaplike ontwikkeling na die veel beter funksionerende departement van basiese onderwys oorgedra word.

Derdens sal alle staatsoptrede daaraan gemeet word of dit kwesbare (soos vroue, kinders en gays) en arm Suid-Afrikaners se lot verbeter.

Vierdens moet elke poging aangewend word om korrupsie en wanbestuur hok te slaan, en moet die skuldiges streng vervolg word.

Laastens moet die vermoë van die staat om dienste aan die bevolking te lewer, sterk uitgebrei word, het Ramaphosa gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

37 Kommentare

jongste oudste gewildste
Sarel

Het hy enige planne op die tafel gesit oor hoe hulle die ekonomie gaan stimuleer en werkskepping gaan bevorder?

Eddy

Ag daar is feitlik niks nuut nie man,Dis meer n modeskou en uithang vir die ‘fat cats’ terwyl die massas krepeer. Ek het paar ministers sien sit en slaap,bv.Aaron Motsoaledi.terwyl Cyril sjarme probeer gebruik het.

Gemaskerde Sopbeen

Om net meer mense in Eskom, Munisipaliteite, SAL, Staats-skole en SABC aan te stel is NIE werkskepping nie!!Werkskepping gebeur wanneer nuwe besighede gevestig word………wat tans nie die geval is nie, want die regering onderdruk dit aktief.

GRIET

??pateties,belaglik en swak verby ❗❗
Gaan installeer maar toilette, probeer werkgee,beskerm WEERLOSE arme gays,kinders en vroue, vang alle korruptes en STERF maar saam VAN HONGER…NIKS OOR VOEDSEL SEKERHEID OF HULP AAN BOERE NIE❗❗❗❗kommerwekkend??

Johann M van Heerden

Dit is net woorde weereens. Korrupsie strek te diep. Hulle sal basies organisasies moet stroop van personeel as hulle korrupte mense op alle vlakke wil verwyder en vonnis. Dit is net nie moontlik nie.