Saftu verwelkom ondersoek oor pryse vir kankermedikasie

medisyne-farmaseutiese-laboratorium-medikasie-pexels

Die Suid-Afrikaanse mededingingskommissie ondersoek drie farmaseutiese maatskappy se pryse vir kankermedisyne. Foto: Pexels.com

Die vakbondfederasie Saftu het gesê hy verwelkom die Mededingingskommissie se besluit om die pryse van kankermedikasie te ondersoek ná besware wat die advokate vir Borskanker, die Kanker-alliansie, die Kankervereniging van Suid-Afrika en Section27.

“Die farmaseutiese maatskappye wat tans ondersoek word, sluit Roche in, wat borskankermedikasie in Suid-Afrika verskaf, Pfizer wat longkankermedikasie verskaf en Aspen wat medikasie vir verskillende vorme van kanker verskaf,” het Saftu in ʼn verklaring gesê.

“Die kommissie sal ondersoek instel oor bewerings dat hierdie maatskappye kankerpasiënte uitbuit deur hul monopolie en deur buitensporige bedrae te vra vir medikasie wat lewens kan red en moontlik diegene se dood veroorsaak wat dit nie kan bekostig nie.”

Inligting waaroor die kommissie beskik “bevestig dat borskankerbehandeling onbekostigbaar is” in Suid-Afrika en talle mediesefondsskemas weier om vir die behandeling te betaal, gebaseer op die koste. ʼn 12 maande-kursus van Roche se Herceptin in die privaat sektor kos meer as R500 000, en dit is selfs duurder indien ʼn hoër dosis vereis word. Borskankerpasiënte kan dus in die privaat en openbare sektor dus nie behandeling bekostig nie, het Saftu bygevoeg.

Die kommissie ondersoek ook bewerings dat die maatskappye hul monopolie beskerm het deur patentewette te omseil deur “nuwe weergawes” van bestaande gepatenteerde produkte met geringe veranderinge registreer of net met ʼn nuwe naam, om generiese weergawes van dieselfde medikasie in die mark te vertraag.

“Een van die maatskappye, Aspen, is pas met €5,2 miljoen beboet ná ʼn appèlaansoek, wat met sy portefeulje van onkologieprodukte wat in Italië versprei word, van die hand gewys is,” het Saftu gesê.

“Tydens onderhandelinge oor medikasiepryse in Spanje in 2014, het Aspen vermoedelik ook gedreig om op te hou om kankerbehandeling te verkoop, tensy die minister van gesondheid instem om pryse tot en met 4 000% te verhoog. ʼn E-pos, wat uitgelek het, dui daarop dat personeel by Aspen selfs oorweeg het om voorraad te vernietig tydens die onderhandelingsproses. Dit is afpersing en uitbuiting.

“Saftu stem met die Mededingingskommissie saam dat die gesondheidsorgbedryf, veral farmaseutiese maatskappye, is ʼn prioriteitsbedryf weens die negatiewe impak wat ʼn nie-kompeterende produk in die bedryf sal hê op gebruikers in die algemeen, en veral arm en weerlose mense.”

Lees ook: Pryse vir kankermedikasie word ondersoek

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

16 Kommentare

jongste oudste gewildste
Reg

Al die medikasie moet n slag so ondersoek word.
Veral meds waar n mediesefonds betrokke is. Ook waar die GP ook med uitdeel.

piper

om n middel te ontwikkel kos jare se navorsing . eers moet die middel ondek of geskep word. die mense wat dit doen is nie straatveers of skoonmakers nie maar persone met minstens n doktorale kwalifikasie. verder word dit gedoen in hoogs gesofiskeerde laboratoriums en nie in koeksisterkombuise nie. dan word dit vir n paar jaar op diere getoets en nie deur straatveers of skoonmakers in nie pannekoek kombuise nie. daarna word dit op mense getoets weereens deur hoogs gekwalifiseerde persone in wat nie n vetkoekkombuis is nie. dan veral in amerika moet versekering geneem word teen moonlike eise teen… Lees meer »

Werklik geskok

Ek het nog nooit soveel lelik in iemand se hart gesien teenoor eerbare beroepe en mense.

Byvoeging

Ek wil byvoeg die sogenaamde fisioterapie wat gedoen word op kankerpasiënte wat reeds met een voet in die graf staan. Dan word daardie pasiënt ook sommer bibberend van koue gelos totdat my dogter haar moeder moet terugneem na haar bed. Wanneer die medies uitgeput is word die bedrag verskuldig sommer van my spaarrekening gedeelte van die fonds verhaal.

al

Ons almal betaal tog een of ander belasting, ek glo die middele moet ‘vrylik’ beskikbaar wees. Nie almal kan ñ mediese fonds bekostig nie – en medies is verskriklik duur met ñ hoop bybetalings. Al het jy ñ mediese fonds.