SAUK verwelkom Motsoeneng-uitspraak

Hlaudi Motsoeneng. Foto: Catherine Rice/ANA

Die SAUK het die Kommissie vir Versoening, Bemiddeling en Arbitrasie (KVBA) se besluit rakende Hlaudi Motsoeneng, voormalige bedryfshoof, se afdanking verwelkom.

Motsoeneng is afgedank nadat die openbare uitsaaier se nuwe raad verlede jaar aangewys is.

ʼn Parlementêre kommissie van ondersoek het bevind dat Motsoeneng grotendeels verantwoordelik was vir die bykanse ineenstorting van die openbare uitsaaier.

Die SAUK het in ʼn verklaring gesê dié besluit bewys dat hy as instansie die SAUK se prosesse regverdig en dat dit regverdig was.

“Dit is ʼn getuienis van die doeltreffendheid van die strategieë wat die SAUK nou gebruik om die geloofwaardigheid en integriteit van die uitsaaier te herstel,” lui die verklaring.

Die SAUK het laat hoor dat hy toegewyd is daaraan om deurdagte regeringsprosedures te handhaaf wat daarop gemik is om ʼn kultuur van verantwoordbaarheid te herstel.

Die SAUK het ʼn netto verlies van R622 miljoen vir die boekjaar 2017-’18 gely.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
Ander Annie

Fantasties. Kan Cloudy die bonus van R30 mil wat hy vir homself toegeken het, terugbetaal San SAUK.

Judge Dredd

Nee wat, voltooi tog net digitale migrasie asseblief – dan hoef niemand meer TV lisensie te betaal – Ons is alreeds 4 jaar agter die digitale migrasie voltooiings datum.

Johanna Botha

En hy wat Cloudy is ;) dink hy het n positiewe bydae gemaak ?

C

Ag shame, en hy was soo oortuig hy gaan sy saak wen en weer aangestel word. Ek hoop hy gee darem so ‘n bietjie terug ook.

Tertia Human

se my net 1 ding wat doen julle met al ons geld wat ons vir lisensie betaal? watse vraag vrae ek kan mos 2 en 2 bymekaar sit en dink !!!!!