Vermoedelik onwettige sigarette ter waarde van R30 miljoen is die naweek op ʼn plaas tussen Musina en die Beitbrug-grenspos gevind voordat dit na verskillende dele van die land versprei kon word.
Vyf verdagtes is gevolglik in hegtenis geneem en sal na verwagting Maandag in die Musina-landdroshof verskyn vir die oortreding van die Doeane- en Aksynswet.
Wetstoepassers van die polisie in Limpopo, die weermag én die Valke het Saterdag op die plaas toegeslaan nadat die Valke se eenheid vir ernstige kommersiële misdaad ʼn wenk ontvang het oor onwettige sigarette wat op ʼn plaas versteek word.
Die sigarette is glo op die plaas versteek in afwagting om dit na verskillende bestemmings in die land te vervoer.
Kapt. Matimba Maluleke, woordvoerder van die Valke, sê die wetstoepassers het met hul aankoms op die plaas op ʼn vragmotor en ʼn trekker met ʼn sleepwa afgekom wat vol vermoedelik onwettige sigarette gelaai was.
Die sigarette was met baksteenpalette bedek.
ʼn Voorlopige ondersoek het gelei tot die opsporing van ʼn bakkie en nog ʼn vragmotor in die omgewing wat ook volgelaai was met vermoedelik onwettige sigarette.
Maluleke sê die span het deurnag gespook om beslag te lê op al die sigarette en die verdagtes op te spoor.
“Die werk van die span is prysenswaardig,” sê lt.genl. Godfrey Lebeya, die nasionale hoof van die Valke.
Lebeya sê voorts die Valke in Limpopo is vasbeslote om die smokkel van onwettige sigarette te beveg en sindikaatbedrywighede hok te slaan.
Onwettige sigarette baie goedkoper
En onwettige sigaret smokkelaars baie makliker om te hanteer as die gewelddadige kriminele hier, wat ons land in n greep van terreur hou. Dis n geval van: “Easier to pick the low hanging fruit”.
Daar is nie ‘SONDE BELASTING’ by nie. Regering wil altyd te groot hap!
Begin by miesies kopdoek…..sy n groot aandeel in die versfaffing van onwettige sigarett sy haar miljoene gemaak in Covid “lockdown”
Cabous like braai…
Jy haal die woorde uit my mond!!!
Hoekom is dit ‘vermoedelik’ onwettige sigarette? As dit nie onwettige sigarette was nie, sou dit mos nie smokkelary gewees het nie?
Ou kopdoek dalk ook hierby betrokke. Sy mos hoeka huisvriende met Adriano Mazzotti wat smokkel met sigarette.
Wat het geword van al die bewyse teen Kopdoek en haar seun tydens die lockdown rakende onwettige sigartette? Haar vingers steeds in daai pie en ons hoor niks verder nie.
Untouchable… dis mos hoe dit werk in die banana-republic.
Hoe gaan dit deur die doane? Of gaan dit langs die doane deur die rivier?
Ou kop doek se supplier is gevang.
Dit sal beslis nie deur die rivier wees want die is te vol,so dit was deur die grenspos en daar is betaal vir die voordeel.Ja dit gaan sommige hoës se beursies ernstig knou.Julle weet van wie ek praat.
Hoe lank al word dit daar gestoor en hoe lank al is die rivier so vol soos nou? Dit is dalk vir baie lang tyd opgegaar.
Ons grense so poreus soos ‘n sif. Ek kan waarborg die is net oortjies van seekoei. Die regerende regime het ons land vir die wolwe gegooi. Boewe lag vir ons. Tyd dat ons die land terugvat!
Wat in die land onder cANCer is nog in orde? Ek dink mens word skelm gebore!
Inhegtenis geneem, tot dat n hoë kop ( met n doek ? ) in die regering sê hulle moet vrygelaat word.
Le maar beslag op die plaas ook, die wet is duidelik dat as eindom vir onwettighede gebruik word die eienaar die risiko loop om die eindom te verbeer
Toe gaan hulle skelm planne in rook op . . .
Klink so bekend gekoppel aan sekeres in politiek.
Beter vir anti KOPDOEK laat weet van díe sodat sy kan plan maak om die draws weer by haar pêlle uit te kry.
Dankie ek rook nie !!!!!!